Sarrera moduan irakurketa gomendagarria. Testu honen bigarren zatian, bidezko merkataritza, inbertsio etikoak eta hiritarrok kontsumitzaile moduan daukagun erantzukizuna aurkezten dira... Hezkuntza munduan nahiko erabilgarria: irakurtzeko erreza eta informatiboa.

Gaur eguneko gaiak ikasgelara eramateko, Intermón Oxfam-ek eskaintzen duen eskola-prentsa duzu hau. Zenbaki honetan, 'hiritartasun' kontzeptuaren ikuspegi historikoa eta parte-hartze politikoaren dimentsio berriak aztertzen dira. Oso baliagarria da, hezkuntza arloan, lehen aipatu ditugun aukerak demokraziaren sakontze-prozesuan behar bezala kokatzeko.

Bidezko merkataritzarako hurbilpena daukazu hemen: nazioarteko mugimenduaren historia, ekoizleen taldeak, irizpideak, Espainaren egoera....

Sakontzeko: ikerketak, nazioarteko merkataritzari buruzko azterketak, kanpainak, testigantzak...

Mugimendu "testimonial"tzat jotzen dute batzuk ekimen hau. Baina merezi du ezagutzeak zenolako garapen maila lortu duen hainbat jende eta organizaziori esker. Coordinadora estatal de comercio justo erakundea talde desberdinen lana errazteko bilgune daukagu. Bere web-gunean informazio baliagarria lortuko duzu: martxan dabiltzan kanpainak, tokian tokiko ekoizleen kooperatibak, bibliografia eta loturak beste web-guneekin.

Nazioarteko mugimendua ezagutzeko gune egokia. Ingelesez badago ere, hezkuntza munduan agian erabilgarria. European Fair Trade Association (EFTA) Afrika, Asia eta Latinoamerikatik produktuak inportatzen dituzten erakundeen sarea dugu Europa mailan. Koordinazio lana hurbiltzen digu. Itxaropen seinale, zalantzarik gabe.

Publizitate eta marka munduaren azterketa sakona dugu liburu hau. Enpresen merkatal estrategietan gero eta gehiago hartzen da kontutan kontsumitzaileok dugun irudia. Liburua luze eta konplexua bada ere, erabilgarria izan daiteke boikot kanpainen inguruan informazioa bilatzeko. Aurkibide analitikoak, gaiak eta adibide zehatzak jarraitzeko aukera eskaintzen dizu. Merezi du begiradatxo bat botatzeak, ikuspegi historikoak erakusten duenez gero zenbaterainoko indar eraginkorra daukagun.

Gure inguruan aurrera eramaten ari diren ekimenak ezagutzeko, SETEM erakundearen webgunea baliabide aproposa duzu.

ConsumeHastaMorir taldeak gaur eguneko publizitateaz luzatzen digu bere erantzun kritikoa. Ironia eta umorea noranahi eraman nahi gaituztenen aurrean